Намалете го обемот на рацете, зацврстете ги мускулите и решете се од опуштената кожа со помош на вежбите кои ги креираше фитнес тренерот Трејси Андерсон.
Познатиот фитнес тренер Трејси Андерсон стана експерт за преобликување на телото за жени во целиот свет, а таа воедно разви и своја метода за намалување на обемот на рацете.
Со овие вежби ќе го намалите обемот на надлактицата, ќе ги зацврстите мускулите и ќе ја затегнете кожата, а повеќето вежби се многу лесни и некои од нив не бараат ниту употреба на тегови.
Денес ви ги претставуваме овие вежби кои траат нецели осум минути. Можеби на почетокот ќе ви биде тешко да ги издржите но по секојдневното вежбање ќе се навикнете на нив, а воедно и ќе се решите од дебелината на рацете.
