Европската комисија ја одобри финансиската помош за Грција вредна три милијарди евра за изградба на мрежа автопати.
Изградбата на автопатиштата беше запоставена во изминатите неколку години, бидејќи Грција беше тешко погодена од должничката криза, која ја принуди на големи буџетски мерки за штедење, пренесува агенцијата АП.
Според комесарот за регионален развој, Јоханес Хана, оваа инвестиција е од клучно значање за економското закрепнување на Грција и во исто време ќе помогне да се отворат 6.000 нови работни места.
Изградбата на автопатиштата би требало да биде завршена до крајот на 2015 година, кога ќе стане дел од трансевропската патна мрежа.