29 март, 2024
ПочетнаКАРИЕРАЗа што мора да разговарате со шефот?

За што мора да разговарате со шефот?

communi1

Разговорите со шефот речиси секогаш се непријатни, па повеќето од вработените се обидуваат да ги избегнат, но понекогаш тие се неопходни за да ги заштитат вашите права и да го намалат стресот што влијае на вашата продуктивност. Ова се трите интервјуа кои секој вработен треба да ги направи со својот шеф.

 

Разговор 1: “Јас сум преоптоварен со работа!”

Кога е вистинското време за овој разговор: Кога ќе почувствувате дека имате премногу работа и многу малку време, и пред да се скршите и почнете да плачете хистерично во канцеларијата.

Вашата стратегија: Испечатете ги црно на бело вашите работни обврски и работните саати во текот на денот, и спокојно објаснете дека е невозможно да се направат толку многу нешта во еден ден. Објаснете дека ја сакате својата работа, и дека не сакате да направите штета во фирмата поради недостаток на време и непотребни задачи, и стресот наведете го како причина. Секој шеф кој се грижи за својата работа треба да сфати дека никому не користи претрупувањето со работа на работникот.

 

Разговор 2: “Јас си одам!”

Кога е вистинското време за овој разговор: Откако ќе направите план за иднината и ќе најдете нова работа. Исто така, дури и ако немате работа, обезбедете доволно количество на пари на сметката за следните два месеца, додека се снајдете.

Вашата стратегија: Дури и ако едвај чекате да си одите, кажете дека тоа било тешка одлука. Останете културни до крај и не навредувајте, не обвинувајте и не ширете канцелариски озборувања. Заблагодарете се за можноста која ви ја дал газдата, и бидете прецизни во врска со датумот на кој си заминувате од фирмата. Запомнете: Важно е да се остане во многу добри односи со поранешнте работодавци, бидејќи никогаш не знаете каде може да се сретнете повторно, или со кого тие се познаваат.

 

Разговор 3: “Сакам повисока плата!”

Кога е вистинското време за овој разговор: После некои значајни достигнувања, кои сте ги направиле за вашата фирма, или после подолго време работа, а бројките на листот за плата не се промениле.

Вашата стратегија: Направете добра презентација во која ќе се претставите себеси и вашите успеси. Не обвинувајте колеги кои работат помалку од вас, и не користете фрази како “Сакам” или “Заслужувам”. Однесувајте се сериозно и професионално, и покажете му на шефот колку сте придонеле за компанијата во последните години и предложете плата што ќе одговара на вашата работа и успеси. Потоа заблагодарете се што ве примиле на разговор и мирно почекајте ја неговата одлука. Доколку е неуспешно, по неколку месеци појдете со нови резултати и обидете се повторно.

 

НАЈНОВИ ВЕСТИ

ХОРОСКОП