Во компанијата „Facebook” во нивното главно седиште, на ѕид се напишани следниве реченици: „Движи се брзо и пробиј ги работите”, „Што би направиле доколку не се плашите?”. На овој начин во самата компанија се создаваат вредности на: храброст, прогресивност и иновација. Овие три работи се водилки на „Facebook“ културата и ги мотивираат вработените да работат поуспешно во неа.
Оние што водат виртуелен бизнис, корпорациската култура е многу тешко да се воспостави. Во тој случај технологијата го завзема местото на физичкиот простор: канцеларија и сл. Пример вие сте менаџер на една виртуелна компанија која работи со продажба преку социјални медиуми, се што треба да направите е:
-Запознајте ги новите вработени со виртуелната ориентација со оглед на тоа дека тие работат од голема далечина, можеби од друга земја. Поттикнете неврзана комуникација помеѓу вас и членовите на вашиот тим преку некоја интерна социјална мрежа каде можете пред почеток на работата да објавите по некоја шега и малку да помуабетите, оваа поврзаност ги мотивира вработените.
-Воспоставете видео конференција и повици, сето тоа е возможно и лесно преку „Skype“ и сл. други комуникациски алатки.
-Имајте на ум дека вашите вработени секој ден треба да евидентираат колку и што од работните задачите извршиле. Така ќе имате целосна контрола до каде сте со остварување на вашите цели и планови. На овој начин лесно ќе увидете доколку некој од вработените има проблем со работата и полесно ќе го мотивирате да продолжи да работи.
-Зајакнете ја вашата визија и мисија. Кога вработените се раздалечени се мисли на тоа дека не работат сите од еден ист физички простор, пожелно е еднаш годишно да се соберете на едно место и пред нив да одржите еден говор за тоа во која насока се движи вашето претпријатие и каде сакате да стигнете и кои се вредностите на вашата компанија.
