Економијата на Либија оваа година ќе забави за 5,1 проценти поради прекинот во производството на нафта предизвикан од блокадата на демонстрантите, предупредува ММФ.
„Наместо суфицит во буџетот, либиската влада ќе забележи буџетски дефицит, поради падот на приходите од нафтата“, изјави директорот на Канцеларијата на ММФ Масуд Ахмед на конференцијата во Дубаи, пренесува агенцијата Франс прес.
Според извештајот на ММФ, либиската економија оваа година ќе забави за 5,1 проценти.
Демонстрантите во Либија бараат подобра распределба на приходите од продажбата на нафта и работни места, поради што ги блокираат нафтените полиња и извозните терминали, предизвикувајќи загуба од 13 милијарди долари за Либија, соопштија властите на оваа земја.
