Кинеската владејачка Комунистичка партија донесе одлука за продлабочување на сеопфатните реформи, јавуваат кинеските медиуми.
Како што јавува кинеската новинска агенција Синхуа, завршен е четиридневниот трет пленум на Комунистичката партија, во текот на кој 376 членови на партијата традиционално ја претставија економската агенда на новата влада, пренесува агенцијата Франс прес.
„Одлуката за главните прашања која се однесуваа на сеопфатните реформи е одобрена“, јавува Синхуа.
Агенцијата јавува дека пазарот во иднина ќе ја има одлучувачката улога во распределбата на средствата, со овој потег Кина се обидува да ги надмине потешкотиите околу економскиот застој.
Во текот на утрешниот ден, локалните агенции ќе известат за деталниот економски план кој го поседува владата.
