Обемот на стоковната размена со странство во првите девет месеци од годинава изнесува 7.866.330.00 илјади американски долари при што вредноста на извозот изнесува 3.085.397.000, а на увозот 4.780.933.000 долари.
Покриеноста на увозот со извоз изнесува 64,5 отсто, а трговскиот дефицит e 1.695.535.000 долари.
Според податоците на Државниот завод за статистика, трговската размена по производи покажува дека во извозот најголемо е учеството на катализаторите на носачи со благородни метали или нивни соединенија, фероникелот, производите од железо и челик (валани производи), облеката и преработките од нафта.
Во увозот најмногу се застапени нафтените масла и маслата добиени од битуменозни минерали (освен сурови), платината и легурите на платина, необработени или во прав, рудите на никел и нивните концентрати и електричната енергија.
Во периодот јануари-септември 2013 година, најголемо учество во извозот на стоки имаат земјите-членки на ЕУ 72,8 отсто и земјите од Западен Балкан со 18,1 отсто.
И во увозот на стоки најголемо учество имаат земјите-членки на ЕУ 62 отсто.
Според вкупниот обем на надворешно-трговската размена, Република Македонија најмногу тргува со Германија, Грција, Велика Британија, Србија и Италија. Со овие земји 49,8 отсто од вкупната надворешно-трговска размена се врши со овие пет земји.
