Странските инвестиции во Бугарија ќе достигнат вредност од една милијарда евра во 2013 година, изјави директорот на бугарската Агенција за инвестиции, Светослав Младенов.
Тој износ ќе се достигне кога ќе се остварат шестте нови инвестициски проекти од областа на производството на автомобилски делови, чија реализација е планирана во наредните шест месеци.
Со цел да ги охрабри странските инвеститори, оваа агенција предложи измена на законот за процедура за добивање на сертификат за вложување и низа други дополнувања поради поедноставна администрација, пренесува француската агенција „Ibifrans“, од канцеларијата во Софија.