28 март, 2024
ПочетнаКАРИЕРАКако да се биде добар шеф

Како да се биде добар шеф

sef2

Многу менаџери, директори, ментори или супервизори одлично ја вршат својата работа, но понекогаш прават грешки во нивниот пристап кон вработените. Со мала анализа и тоа може да се исправи.

Добриот претпоставен негува една продуктивна и пријателска работна атмосфера. Во овој потфат треба да ги избегнувате следниве грешки:

1. Бидете фер

Обидете се да не бидете само фер, туку и “внимателно” праведни. Нема ништо полошо од претпоставен кој не крие дека има омилени вработени. Ако некому давате некаква предност, не правете го тоа во тајност. Направете го пред сите, и дадете добро образложение зошто сте одлучиле така.

2. Хуморот стимулира

Претпоставените од време на време, мора да покажат дека имаат смисла за хумор. Тој хумор понекогаш е од клучно значење во односот со луѓето, го олеснува работењето, и влева оптимизам во секојдневното работење.

3. Тишината е злато (понекогаш)

Понекогаш треба да се знае да се молчи, и да се остават другите да зборуваат. Обидете се да бидете разумни, и да го отворите умот за нови предлози.

4. Времето е драгоцено

Понекогаш вработените имаат потреба од вашето време. Не дозволувајте да ве чекаат, бидејќи нема да ја сватат важноста на своето време поминато во вршењето на работа.

5. Со добра волја

Бидете внимателни кога изнесувате обвиненија за нечија работа или однесување. Малку од луѓето намерно се однесуваат лошо. Вашиот пристап ќе биде многу подобар, (и ќе донесе подобри резултати) доколку тие автоматски претпостават дека намерите и мотивите ви се добри.

6. Глава во песок

Не одбивајте дискусии за поплаки – игнорирањето нема да го реши проблемот.

7. Самоконтрола

Не донесувајте одлуки кога сте лути или кога не можете да се контролирате. Одолеете му на искушението да ги казните вработените бидејќи “така заслужуваат”. Вработени е најдобро да бидат третирани на начинот на кој ќе донесат најдобри (работни) резултати.

8. Лошо е да озборувате

Доколку не можете да кажете нешто убаво за некој, подобро не велете ништо. Тука се работи за искушение на кое е тешко да се одолее. Ваквиот пристап не може да донесе ништо добро.

9. Критиките не се за јавноста

Критикување на поединец пред колективот е голема грешка. Покрај тоа што лицето ќе го понижите, ќе му го уништувате и моралот. Златното правило вели: Критикувајте на само, фалете пред сите.

10. Лошите работи се очигледни

Ако не се согласувате со некој предлог, немора секогаш да го покажувате тоа. Многу е голема веројатноста дека предлогот нема да биде одобрен од страна на некој од вашите колеги.

11. Закана за отпуштање од работа

Заканата за отпуштање од работа ретко ја зголемува продуктивноста на вработените, а и не е добра основа на меѓучовечките односи на работното место. Дури и ако ги принудите вработените да го подобрат нивниот квалитет на работа, тоа не значи дека тие ќе го дадат својот максимум. Максимумот се постигнува само преку мотивација, а таа доаѓа од пофалби и пријателски пристап.

12. Проверка на фактите

Кога нешто ќе тргне наопаку, испитајте ја причината пред да почнете да обвинувате некој. Претпоставете дека никој не е виновен, се додека не се докаже спротивното. Важно е да се испитаат сите факти.

13. Внимателно наградувајте

Размислете два пати пред да одлучите да наградите некој. Секоја награда во вашиот оддел ќе почне да се очекува и во другите сектори. Ако брзо промовирате нов вработен, тоа ќе го очекуваат и другите “нововработени” во компанијата (кои можеби не се докажале доволно во својата работа).

14. Доверба

Научете како да зачувате доверливи информации. Доколку вработените ви дадат доверба, и го споделуваат со вас своето искрено мислење, најлошото нешто што може да направите е да ја проследите информацијата на друго лице. Претпоставен кој не знае да “чува тајна”, е слабата алка во работата.

 

 

 

НАЈНОВИ ВЕСТИ

ХОРОСКОП