Ако чувствувате исцрпеност, умор и недостиг на енергија додека вежбате, а сакате на лесен и здрав начин да се вратите во форма, тогаш овие неколку предлози ќе ви помогнат да се чувствувате многу подобро и поенергично.
Чоколадно млеко
Иако луѓето често го избегнуваат поради страв од калориите, сепак кога станува збор за вежбањето, тогаш чоколадното млеко е идеален енергетски пијалак. Мешавината од јаглени хидрати и протеини помагаат полесено зацелување на евентуалните повреди на мускулите што се случуваат при вежбање, а доведуваат до воспаление на мускулите.
Пиво
Покрај позитивните ефекти и благотворните дејства кога станува збор за убавината и здравјето, се случува интензивните вежби да го ослабнат имунитетот. Токму затоа инфламатарното дејство на безалкохолното пиво ќе ви помогне да го подигнете нивото на енергија во организмот и да се чувствувате многу подобро.
Сок од цвекло
Оваа напивка има магични својства кога станува збор за подобрување на крвната слика. Изобилува со нитрати кои го олеснуваат протокот на крвта до мускулите, давајќи енергија да го издржите вежбањето. Добрата циркулација на крвта е најдобриот начин да се ослободите од целулитот. Ако не можете да го поднесете вкусот на цвеклото, можете да додатете мед или шеќер.
Кокосово млеко
Овој напиток е богат со калиум што ги намалува мускулните грчеви, а кокосовото млеко се препорачува на оние кои интензивно се бават со пилатес или јога.
Кафе
Кофеинот го забавува процесот на трошење гликоген, резервна енергија во организмот, и ви дава гориво да го издржите вежбањето подолго од вообичаено.