Американската рејтинг агенција „Moody`s“ го зголеми кредитниот рејтиг на „General Motors-GM“ на ниво на инвестиции, односно од „Бa1“ на „Бaa3“, со стабилна прогноза.
„Moody`s“ на овој потег се одлучил откако американскиот производител на автомобили соопшти дека ќе ги откупи своите акции кои се во сопственост на Обединетата работничка унија во авто-индустријата „UAW“, пренесува Франс прес.
„GM“ соопшти дека постигнал договор за откуп на 120 милиони акции од „UAW“, по цена од 27 долари за акција, а за да го финансира овој откуп, компанијата ќе издаде петгодишни, десегодишни и триесетгодишни неосигурани обврзници.
