Навивачите на Манчестер Јунајтед јасно ставија до знаење што мислат за 27 милиони скапото засилување од Евертон, Маруан Фелаини.
Имено, администраторот на клубот од „Олд Трафорд“ под фотографијата поставена на Инстаграм на која се наоѓа силуетата на Белгијанецот, барал од навивачите да погодат за кого се работи.
Меѓутоа, тие го игнорираа Фелаини, па наместо да се занимаваат со коментирање на фотографијата го „бомбардираа“ постот со барања во сабота против Кристал Палас да игра Шинџи Кагава, пренесува „Мирор“.
Јапонецот пред неколку денови, за време на репрезентативните обврски, на новинарите им порача да го прашаат тренерот на Јунајтед, Дејвид Мојс, зошто не го пушта во игра.
Со оглед на малата минутажа, незадоволството на Кагава, кој минатото лето пристигна на „Олд Трафорд“ од екипата на Борусија Дортмунд, е разбирливо, а не чекаше долго ни на поддршката од навивачите.
Ќе видиме дали неговиот апел ќе делува на новиот менаџер на клубот од „Олд Трафорд“.