Бизнис довербата во Германија во јануари повторно се зголеми.
Индексот на бизнис довербата, кој го пресметува германскиот економски институт (IFO), во јануари се зголеми на 104,2 поени, од 102,4 поени кои беа забележани во декември, со ова се надминаа очекувањата на аналитичарите кои предвидуваа скромен раст на 103 поени, пренесува агенцијата АФП.
„Бизнис довербата е зголемена трет месец по ред, а проценките за тековната деловна ситуација беа повеќе позитивни во однос на претходниот месец“, изјави директорот на институтот, Ханс Вернер Син.
Институтот го пресметува индексот според проценките на компаниите за нивните тековни бизниси и прогнозите за наредните шест месеци.
