Европскиот комесар очекува дека наредниот пакет помош за Грција би можел да биде многу помал од претходните два, и дека тој ќе изнесува околу 10 милијарди евра.
Гинтер Отингер, евро-комесар за енергетика и член на германската Kонзервативна партија која ја предводи Ангела Меркел, за весникот „Welt am Sonntag“ изјави дека третиот пакет помош би требало да го покрие периодот од 2014-2016 година.
Европските партнери и Меѓународниот монетарен фонд во двата досегашни пакети помош на Грција и дадоа 240 милијарди евра кредит.
Оваа недела, германскиот министер за финансии Волфганг Шојбле изјави дека ќе биде потребна уште една програма за помош, бидејќи сегашната истекува наредната година.