Мексиканскиот магнат Карлос Слим е најбогатиот сопственик на фудбалски тим во светот, според новата класификација во која спаѓаат клубови од 11 земји.
Минатата година компанијата на Карлос Слим „America Movil“ купи 30 проценти од акциите во „Grupo Pachuca“ во чија сопственост се мексиканските прволигашки фудбалски клубови, Пачука и Леон.
Според „Wealth-X“, чие дело е ова рангирање, состојбата на Слим се проценува на 70 милијарди долари. На второ место во оваа престижна листа е рангиран Амансио Ортега. Тој е основач на „Inditex“, која пак е сопственик на голем број модни брендови, меѓу кои и „Zara“. Ортега има удел во шпанскиот фудбалски тим Депортиво Ла Коруња.
Вкупно седум од 20-те клуба во рангирањето се англиски, но се во сопственост на странски бизнисмени како американскиот Џорџ Сорос, индискиот бизнисмен Лакшми Митал и рускиот милијардер Роман Абрамович.
Арсенал е единствениот клуб кој учествува двапати во листата поради популарноста на богатите сопственици, американскиот бизнисмен Стен Кронке и неговиот руски колега Алишер Усманов.
„Рускиот милијардер Роман Абрамович кој неодамна ја одбележа десет годишнината како сопственик на Челзи, изгледа е основоположник за други милијардери кои сакаат да се вклучат во престижениот фудбалски бизнис“, вели извршниот директор на „Wealth-X“, Миколас Рамбус.
Вкупно 12 oд 20-те лица во оваа листа се сопственици на клубовите помалку од десет години. Еве и кој се најбогати еднолични или делумни сопственици на фудбалски тимови во светот:
1. Карлос Слим (70 милијарди долари) – Клуб Леон (Мексико)
2. Амансио Ортега (51 милијарди долари) – Депортиво Ла Коруња (Шпанија)
3. Алишер Усманов (20 милијарди долари) – Арсенал (Англија)
4. Џорџ Сорос (19 милијарди долари) – Манчестер Јунајтед ( Англија)
5. Пол Ален (15 милијарди долари) – Сиетл Саундеррс (САД)
6. Лакшми Митал (15 милијарди долари) – Квинс Парк Ренџерс (Англија)
7. Ринат Ахметов (15 милијарди долари) – Шахтјор Донецк (Украина)
8. Франсоа Анри Пино (14 милијарди долари) – Рен (Франција)
9. Роман Абрамович (12 милијарди долари) – Челзи (Англија)
10. Џон Фридриксен (12 милијарди долари) – Валеренга (Норвешка)
11 . Филип Аншуц (10 милијарди долари) – Лос Анџелес Галакси (САД)
12. Дмитри Риболовјев (10 милијарди долари) – Монако (Франција)
13. Силвио Берлускони (7 милијарди долари) – Милан (Италија)
14. Шеик Мансур бин Зајед ал Нахјан (7 милијарди долари) – Манчестер Сити (Англија)
15. Дитрих Матешиц (7 милијарди долари) – Салцбург (Австрија)
16. Сулејман Керимов (6 милијарди долари) – Анжи Махачкала (Русија)
17. Денис О’Брајан (5 милијарди долари) – Селтик (Шкотска)
18. Леонид Федун (4 милијарди долари) – Спартак Москва (Русија)
19. Стен Кронке (4 милијарди долари) – Арсенал (Англија)
20. Џозеф Луис ( 4 милијарди долари) – Тотенхем (Англија)
