Според последните информации „Lexus“ развива нов спортски автомобил кој би требало да ја ревитализира ознаката „SC“.
Во моментов нема многу информации за овој автомобили, но се очекува да биде во целост нов модел кој значително ќе се разликува од поранешниот „SC“ кој престана да се произведува во 2010-та година.
Новиот модел би требало да биде инспириран од моделот „LF-LC“ за кој од претходно е потврдено дека ќе се најде во сериско производство. Со други зборови токму „LF-LC“ би можел во производната верзија да ја превземе ознаката „SC“.
Како и да е, се очекува овој модел да го придвижува хибриден мотор или 3.5 литарски V6 бензински со вкупна снага од околу 350 KS, додека врвот во понудата би била верзијата 4.6 литарски V8 со снага од околу 500 KS.
