Месната индустрија „Carnex“ од Србија ги исполни сите стандарди за квалитет на Европската унија и со тоа доби извозен контролен број за пласирање на производи на пазарите во ЕУ.
Извозниот контролен број претставува гаранција за квалитетот и овозможува непрекинат извоз и трговија на производи во ЕУ, а „Carnex“ е една од ретките компании во регионот која ги задоволи сите услови за добивање на извозен контролен број, се вели во соопштението на компанијата.
Со цел да се постигнат највисоките стандарди и гаранција за квалитет на производите, „Carnex“ континуирано инвестира во проширувањето на постоечките и изградбата на нови капацитети, со зголемување на енергетската ефикасност и заштита на животната средина, се наведува во соопштението на компанијата