Новиот спортски автомобил „Corvette Stingray“ ќе пристигне во салоните ширум Европа оваа есен. Во Германија цената за купе верзијата на седмата генерација на „Corvette“ ќе започне од 69.990 евра.
Стандардната опрема на „Corvette Stingray“ го вклучува спортскиот пакет „Z51“ кој опфаќа:
· подобрен аеро-пакет за подобрување на стабилноста при големи брзини.
· електронски диференцијал со ограничено пролизгување.
· специјални амортизери и стабилизатори.
· специјален однос на степените на пренос на брзините за подобри перформанси.
· систем за подмачкување на сувиот картер, ладење на диференцијалот и менувачот.
· поголеми предни (19×8,5 инчи) и задни (20×10 инчи) тркала и гуми.
· поголеми предни (345 mm) и задни (338 mm) сопирачки.
Понатаму „Z51“ пакетот вклучува и најнов систем за магнетско подесување на суспензијата кој е посебно прилагоден за европските патишта, како и „PTM“ (performance traction management) систем и спортски издувен систем.
„ „Corvette“ веќе со генерации инспирира милиони луѓе, па така и новиот „Stingray“ не е исклучок. Напредокот на дизајнот и технологијата ни овозможи да произведеме автомобил кој ќе одбележи една деценија и ќе ги надмине очекувањата на купувачите“, изјави Сузан Дочерти, претседател и извршен директор на „Chevrolet-Cadillac Europe“.
За придвижување на возилото се користи 6,2 литарски V8 LT1 мотор во комбинација со рачен менувач со седум брзини и функција „Active Rev Matching“. Моторот развива 460 KS (343 kW) при 6.000 o/min. со вртежен момент од 630 Nm при 4.600 вртежи со спортски издувен систем. „Stingray“ ја постигна најголемата моќ која вооптшо е забележата во автомобилите на „Corvette“. Се очекува забрзувањето до 60 mph (97 km/h) да биде за помалку од 4 секунди.
Покрај тоа „Corvette Stingray“ користи нов револуционерен „Chevrolet MyLink“ мултимедијален систем со два 8 инчни екрани, USB влез, влез за SD картичка и Aux приклучок, како и помошен среден екран на кој може да се подесува уредот.
