„Samsung“ го најави уредот „Galaxy S4 Zoom“ кој ќе изгледа како паметен телефон, а притоа ќе има функација и како фотоапарат.
Како што може да се види и на фотографијата, на 20 јуни во Лондон ќе видиме еден навистина интересен уред кој ќе работи со 4,3-инчен екран со резолуција „qHD sAMOLED“, „dual-core 1.6 GHz“ процесор, 8GB внатрешна меморија и поддршка за „microSD“ картичките, „Bluetooth“ 4.0 LE, „Wi-Fi“ 802.11n и „A-GPS“.
Овој паметен телефон ќе располага со 16-мегапикселна камера со голем леќа која ќе има х10 оптички зум и сигурно ќе го привлече вниманието на голем број корисници.
„Samsung Galaxy S4 Zoom“ ќе работи со оперативениот систем „Android 4.2.2 Jelly Bean“ со интерфејсот на компанијата „Touch-Wiz Nature UX“ и ќе е следниот производ од серијата „S4“ на компанијата, во која наскоро ќе ги видиме моделите „Active“ и „mini“.
