Уште од претставувањето на авто-саемот во Женева во март 2011-та година на „Aventador“ му се предвидуваше блескава иднина. Благодарејќи на својот дизајн и врвните возачки карактеристики, автомобилот од самиот почекот стекна големи симпатии кај богатите клиенти.
Поради тоа не е за изненадување податокот дека „Aventador“ стигна до бројката 2000 продадени примероци за само две години, додека неговиот претходник, моделот „Murcielago“ за истиот резултат му беа потребни скоро пет години.
Јубилејниот 2.000-ти „Lamborghini Aventador“ ќе биде испорачан на еден од директорите на американската компанија „AT&T“ кој во својата гаража веќе го поседува „Gallardo LP 550-2 Spyder“.
Од „Lamborghini“ истакнуваат дека интересот за „Aventador“ е толку голем што уште сега имаат нарачки за цела година однапред. Просечно од производствените погони на оваа компанија излегуваат по пет нови примероци од овој автомобил.