Англискиот шампион Манчестер Јунајтед нуди 20 милиони евра за дефанзивецот на Бенфика Есекиел Гарај, тврдат португалските медиуми. „Црвените ѓаволи“ веќе подолго време ги следат настапите на поранешниот дефанзивец на Реал Мадрид.
Според неофицијални информации во почетокот на годината англискиот гигант и Бенфика се ракуваа и меѓу двата клуба има џентлменски договор за трансферот на Аргентинецот на “Олд Трафорд “.
Заминувањето на Сер Алекс Фергусон нема да го спречи раководството на Манчестер Јунајтед да го доведе Гарај кој е со репутација на еден од најдобрите централни дефанзивци во Португалија.