Бизарна, но исто така многу вознемирувачка сцена на дербито во грчкото првенство помеѓу ПАОК и АЕК. Дуел кој можеше да одлучи за шампион на Грција, кој по многу долго време можеби нема да биде Олимпијакос, беше прекинат во 90-та минута по признатиот, па поништен, и повторно признат гол за тимот од Солун. И тоа не е блиску до најчудниот детал…
Судијата Јоргос Коминис прв призна, а потоа со консултации за наводен офсајд, го поништил голот за ПАОК, кој го постигна Фернандо Варела. Потоа толпата се собраа пред портата 4, дури и оние “умерените”, и почнаа да фрлаат предмети на теренот, а потоа и да влезат во него.
Вреди да се напомене дека поради претходната казна на ПАОК, не требаше да се игра со присуство на публика, но таа одлука беше поништена и на фановите им беше дозволено да дојдат.
Меѓу нив, подеднакво бесен, на теренот се најде и претседателот на ПАОК Иван Савидис, инаку еден од најбогатите Грци близок пријател на рускиот претседател Владимир Путин, велат медиумите во оваа земја.
Тој му пријде на судијата и му порача “дека ја завршил својата кариера”. Сето ова ќе беше доволно сериозна, но тоа стана страшно во моментот кога беше јасно дека тој носи пиштол!
ПАОК подоцна објави на својот Твитер профил дека натпреварот официјално заврши со резултат од 1:0 во нивна корист.
Грчката полиција во понеделникот издаде наредба за приведување на Савидис.
