САД, Германија, Италија, Франција и Русија се земјите со најголеми резерви на злато, наведуваат финансиските портали.
Според тие податоци, САД имаат 8,133 тони злато, Германија има 3,374, Италија 2,452, Франција 2,436, а Русија 1,857 тони злато.
Меѓународниот монетарен фонд поседува 2,814 тони злато.
Русија ја престигна Кина и влезе меѓу петте држави со најголеми златни резерви.
Зголемувањето на златните резерви и овозможува на Русија да ги диверзификува резервите во валути поради влошувањето на односите со САД.
Русија купува злато главно ископано на својата територија, пренесуваат економските портали.