Дел од летовите на француската авиокомпанија „Air France“ од Пaриз беа откажани вчера поради штрајк на вработените.
Откажани беа половина од долголиниските летови од Пaриз, наведува АФП и додава дека работниците од „Air France“ бараат зголемување на заработката од шест проценти.
Планот на компанијата беше да реализира 75 проценти од планот за летови, и покрај фактот дека околу 28 проценти од вработените стапија во штрајк, се наведува во соопштението.
На патниците кои патуваат денес им се советува да ги заменат картите без дополнителни трошоци.