Јапонскиот производител „Lexus“ ја подготвува премиерата на најприфатливиот „SUV“ во својот асортиман. Тој ќе се нарекува „UX“, а бидејќи ќе биде прикажан на саемот во Женева во почетокот на март.
Компанијата го покажа првиот тизер на моделот, но не беше јасно дали ќе видиме прототип или автомобил кој ќе биде целосно достапен на пазарот. Исто така, не се откриени никакви технички карактеристики на моделот.
Според прелиминарните податоци, „Lexus UX“ ќе биде најевтиниот „SUV“ на брендот и ќе го замени сегашниот „NX“ од оваа позиција. Тоа значи дека новиот модел ќе чини помалку од 40.000 евра – толку е цената на „NX“. Покрај тоа, идниот „UX“ ќе го замени „Lexus CT 200h“, хибридниот хечбек. Главните конкуренти на моделот ќе бидат „Mercedes-Benz GLA“ и „Infiniti QX30“.
Новиот кросовер на „Lexus“ се очекува да добие 2.0-литарски атмосферски мотор со 170 КС и хибридна единица со 178 КС. Компанијата веќе ги регистрираше трговските имиња „UX 200“, „UX 250“ и „UX 250h“, што покажува дека моделот ќе има најмалку 3 модификации.
