Според податоците на „Еуростат“, Република Македонија како земја претендент за членство во ЕУ, се најде во рангирањето за вработените во културниот сектор. Нашата земја во 2016-та во овој сектор има 3,2 посто од сите вработени, што е пад од 0,7 отсто во споредба со 2011-та година.
Трите земји во Европската унија (ЕУ) со најнизок удел на вработените во областа на културата спрема сите кои работат се Романија (1,6%), Словачка (2,5%) и Бугарија (2,8%), покажуваат податоците на „Еуростат“.
Највисок е уделот на вработените во секторот за култура во Естонија (5,3%), Луксембург (5,1%) и Шведска (5%).
Генерално, во ЕУ околу 8,4 милиони луѓе работат во културниот сектор или 3,7% од сите вработени. Помеѓу 2011-та и 2016-та година нивниот број расте со 549.000 повеќе работни места (7%).
Околу 2 милиони од нив се уметници или писатели, од кои речиси половината се самовработени (48%). Така меѓу овие активности се забележува многу висок удел на самовработените, во споредба 15-те проценти во просек за сите кои работат во ЕУ.
Нагласено е нивото на образование кај оние вработени во културниот сектор. Речиси 60% од нив имаат високо образование, при 34% удел на дипломирани студенти вкупно за Унијата.
Учество на вработените во културниот сектор во 2016-та година, „Еуростат“:
