Лошите кредити остануваат вистинско бреме за европските банки – 944 милијарди евра кои тежат на сметководствените биланси, коментира „Bloomberg“.
Според економистите купот заостанати долгови им прави потешко за банките при давањето на повеќе пари што влијае на нивниот профитот. Европските власти сакаат од кредиторите да ги продадат или да ги намалат лошите кредити, но се поделени во начинот на кој ќе се случи ова, а во исто време некои инвеститори се разочарани од темпото на напредок.
Изданието презентира пет графикони кои го објаснуваат проблемот и како банките се борат со него.
Проблемот со лошите кредити е особено силен во земјите кои беа најсилно погодени од должничката криза. Грција, која допрва треба да излезе од спасувачката програма, е на чело на листата по удел на лошите кредити од вкупните – 46,9% кон крајот на првото полугодие од 2016-та година.
Од графиконот се гледа дека земјите со удел на лоши кредити помеѓу 10% и 25% од вкупните се главно од Источна Европа. Овој процент во Романија е 10,7%, во Унгарија е 14,0%, во Чешка е 13,3%, а Хрватскае- 19,2%.
Со најмал удел во лошите кредити од вкупните пак се Финска, Шведска и Велика Британија, односно со 1,2%, 1,2% и 1,7%. Италија во исто време има најмногу лош долг во апсолутна смисла – 224,15 милијарди евра.
Италијанските банки имаат фиксни цели да го намалат нивото на лошите долгови, продавајќи портфолија или намалувајќи ги лошите кредити. „Intesa Sanpaolo“ – најголемата банка во земјата по пазарна вредност, пред две години почна да го прави ова уште пред конкурентите и планира да го забрза намалувањето на лошите кредити, изјави главниот извршен директор Карло Месина во минатиот месец. Според него другите банки во Италија „направи добра работа“ и би требало да постигнат поголем напредок во оваа година.
Италија натрупа купови лоши кредити во текот на годините на слаб или нула економски раст. Проблемот се усложнува од правниот систем на земјата, при што на доверителите им треба повеќе време за да ги ликвидираат гаранциите, отколку на банките во други земји. Италија ги реформираше правилата при банкрот во октомври, за да ги направи побрзи и поефикасни.
Европските банки генерално ги намалиле лошите кредити со над 280 милијарди евра од крајот на 2014-та година, Европската централна банка, која ја следи работата на големите доверители во блокот, вели дека лошиот долг се уште е „главен проблем“, кој треба да биде решен од страна на банките, додека економијата се однесува добро.
Акумулацијата на нови лоши кредити се забавува во Италија, но нивото останува над нивото од пред финансиската криза. Италијанската централна банка вели дека доброто претставување на пазарот на недвижности во земјата помага за намалување на ризиците пред банките. Според последниот извештај за финансиската стабилност на централната банка основните индикатори за ранливост на банките би требало да продолжат да се намалуваат во текот на следните неколку квартали.
