Руската економија во голема мера е приватизирана, и не останаа многу активи за продажба, изјави рускиот премиер Дмитриј Медведев.
„Не ни остана многу за приватизација, бидејќи во голема мера ја приватизиравме економијата, но имаме приватизациони планови и за оваа година“, изјави Медведев на пленарната седница на Рускиот инвестициси форум во Сочи.
Според неговите зборови, макроекономската ситуација во Русија е стабилна, БДП започнал да расте, а овогодишниот буџет можеби ќе биде во суфицит.
„Обезбедивме макроекономска стабилност. Дури и под санкции, нашата економија стана помалку зависна од надворешните шокови и цените на сировините“, изјави Медведев.
Укажа на рекордно ниската инфлација од 2,5 проценти во 2017 година, стабилноста на финансискиот систем и курсот на рубљата. Додаде и дека државата знае каде треба да ги концентрира своите напори.
„Пред се да создаде стабилни и предвидливи прописи во деловната сфера, да ги зголеми инвестициите и дополнително да ја подобри деловната клима“, порача Медведев.