На дневниот ред на Европскиот парламент ќе дојде резолуцијата за летното пресметување на времето. Повеќето пратеници изразија потреба да разговараат за оваа тема, а неформален став е дека нема потреба да се менува часовникот во ова модерно време и дека треба да се укине.
Во резолуцијата, од Европската комисија се бара да ги испитаат трошоците и ефектите од поместувањето на часовникот, и ако Европската унија сака да ја укине пресметката за летото потребна е согласност од повеќето членови на ЕУ и од парламентот.
Скоро 70.000 луѓе во Финска потпишаа петиција за укинување на летното сметање на времето.
Факт е дека во денешно време, поместувањето на стрелките на часовникот не го прави општеството побезбедно, ниту пак штеди струја. Во минатото, домашно осветлување трошело најмногу електрична енергија, и со поместување на часовникот и присуството на сонцето до доцните вечерни часови заштедите биле навистина значајни. Денес, климатизерите и електрониката сè уште се значаен потрошувач на електрична енергија, но приспособувањето на работното време и навиките е така што повеќето луѓе се уште работат во текот на денот.
Во Македонија, како дел од СФРЈ, летното сметање на времето се користи од 1983 г., а од 1996 г. е регулирано со Закон за сметање на времето.
