Поткровјето, кое овој пат ви го претставуваме, го дизајнираше и имплементираше берлинското студио „BerlinRodeo“…
Овој проект претставува трансформација на фабрика за плетива во луксузна и елегантна животна средина.
Оригиналните тапети со транспарентни ефекти се главната точка на фокусот во пространиот дел на дневната соба, а самиот ентериер претставува многу гостопримлива атмосфера со изобилство на интересни детали.
Палетата на бои во ентериерот е во мирни тонови, бела, крем и кафена боја, а тие заедно создаваат хармоничен амбиент во целиот простор.
Прекрасен е начинот на кој дизајнерите ги сочувале убавите елементи од некогашната фабрика, како ѕидовите од тули и им подариле префинет финиш.
Кристалните лустери, одбраните уметнички дела и живиот цветен аранжман придонесуваат за весел и гостопримлив карактер на соверемениот дом.
