Професорот по економија на престижниот универзитет МИТ, Дејвид Аутор, на Светскиот економски форум во Давос го претстави своето видување според кое денешните технолошки компании, како што е „Фејсбук“, ќе ја доживеат истата судбина како и некои компании кои доминирале во минатото, а денес не постојат.
Професорот за време на дискусијата го постави прашањето „дали е можно да се живее во свет на монопол?“
Притоа тој објасни дека во моментов живееме во свет каде што „победникот зема најголем дел од пазарот“ и каде што малата предност во однос на конкуренцијата е всушност огромна предност.
Според него, компаниите како „Амазон“ и „Фејсбук“ растат органски (луѓето се на „Фејсбук„ бидејќи нивните пријатели се таму), но тоа не значи дека ваквиот раст е добар или одржлив на долг рок.
Авторот истакна дека и во минатото постоеле слични монополи, наведувајќи ја како пример американската железница.
„Мојата претпоставка е дека ‘Фејсбук’ нема да постои за 20 години од сега“, заклучил Дејвид Аутор.