„Volkswagen“ ќе потроши 1,8 милијарди евра за развојот на осмата генерација на својот најпопуларен модел „Golf“. Ова беше откриено од страна на шефот на поделбата за компактни автомобили на брендот Карл Хајнц Хел за време на состанокот со 120 клучни партнери и добавувачи на опрема за компанијата.
Првите автомобили од новата генерација на „Golf“ ќе бидат произведени во јуни 2019-та година во фабриката во Волфсбург. Бестселерот на „Volkswagen“ ќе биде достапен на пазарите во вкупно 108 земји од целиот свет. Освен тоа, компанијата ќе потроши уште 3 милијарди евра за да го подготви производството на автомобилот.
Топ-менаџерот исто така најави дека новиот „Golf“ ќе биде возилото со кое што „Volkswagen“ ќе влезе во ерата на интернет-возила и ќе биде опремен со автономни системи за мобилност. Возилото ќе биде постојано онлајн, а инструмент таблата и електронскиот асистент ќе станат „квалитетен репер“ за таквите услуги.
Осмата генерација на „Golf“ ќе се гради на модуларната „MQB“ платформа, што ќе овозможи помала тежина. Во исто време, дизајнот на моделот ќе биде „поздрава“. Волуменот на багажникот ќе се зголеми на 400 литри.
Засега не е официјално објавено кога ќе се одржи премиерата на најпопуларниот „Volkswagen“. Опциите се две – саемот за автомобили во Париз на есен или изложбата во Женева во пролетта 2019-та година.
