Widgetized Section

Go to Admin » Appearance » Widgets » and move Gabfire Widget: Social into that MastheadOverlay zone

ALK 7,650.00 0.02%    BESK 9,991.00 -3%    GRNT 824.02 0.32%    KMB 3,152.12 0.17%    MTUR 4,250.00 1.19%    OHB 5,200.00 4%    OKTA 3,111.00 -8.96%    RMDEN16 94.40 0%    RZUS 113.00 9.51%    SLAV 6,100.00 95.89%    STB 960.00 1.65%    STIL 151.56 0.58%    TIKV 153.00 -2.55%    TKVS 3,202.00 1.72%    TNB 13,228.04 0.22%    TTK 951.17 1.04%    UNI 2,000.00 0.03%    ZPKO 2,710.00 4.23%    

Сите македонски еврообврзници – земјава должи над пет милијарди евра!

Време: 14:37

Датум: јануари 12, 2018

Категорија: ЕКОНОМИЈА

Најновата еврообврзница е тешка 500 милиони евра, таа е шеста по ред издадена од Македонија. Кога јавниот долг достигнува 46% од БДП главното прашање е – за што ќе се користат парите?

Најновата еврообврзница тешка 500 милиони евра

500 милиони евра вложија меѓународните банки и фондови во македонската евробврзница која достигна каматна стапка од 2.75% и стапка на принос од 3.00%.

Трансакцијата беше изведена со посредство на Ситигруп, Дојче Банк и Ерсте Груп. Побарувачката била седум пати повисока од понудата односно над 3.5 милијарди евра.

„Ова е досега најниска каматна стапка за било која од македонските еврообврзници што е одраз на довербата кај меѓународните инвеститори за перспективите на македонската економија, како и поволните услови на меѓународните пазари на капитал… Како што е предвидено со Буџетот за 2018 година приливите од еврообврзницата ќе се користат за покривање на буџетскиот дефицит, односно за непречено редовно извршување на сите буџетски расходи, како и за отплата на претходните долгови “ велат од Министерството за финансии.

Сепак, информацијата се криеше до последен момент. Иако уште на 3 јануари намерата за издавање на еврообврзницата била објавена во Службен весник, Министерството молчеше се додека веста не стигна од странските медиуми.

Најважно прашање – за што ќе се користат парите?

Експертите коментираат дека издавањето на еврообврзница е очекуван потег имајќи ја предвид проектираната потреба за финансирање на буџетот, но процесот требало да биде потранспарентен.

„Владата не отвори јавна дебата пред финализирање на издавањето на еврообврзницата“ сметаат во Finance think.

Уште поважно, според истражувачите од овој институт, е како ќе се користат позајмените пари.

„Остро се спротивставуваме на понатамошното користење на флоскулата ‘средствата од еврообврзницата ќе се користат за буџетски потреби’. Разбирливо е дека во техничка смисла, овие средства ќе се слеат во буџетот и ќе се користат за намирување на обврските како што тие доаѓаат. Но, во концептуална смисла, граѓаните мора да знаат за што се трошат нивните пари, и особено парите од високи задолжувања како ова“ посочуваат тие.

Досега издадени шест еврообврзници

Македонија досега шест пати издаде еврообврзница на меѓународните пазари.

Првата беше во 2005-та кога беа позајмени 150 милиони евра со камата од 4.6%.

Втората беше во 2009-та на сума од 175 милиони евра и каматна стапка од фантастични 9.8%.

Третата се продаде во 2014-та на сума од 500 милиони евра и камата од 3.9%.

Четвртата е од 2015-та во вредност од 270 милиони евра и камата од 4.6%.

Петтата е од 2016-та на сума од 460 милиони евра и со камата од 4.8%.

Шестата, најновата, е на сума од 500 милиони евра и камата од 2.7%.

Што е еврообврзница?

Еврообврзница е  должничка хартија од вредност издадена во разилчна валута од домашната, но на европскиот пазар.

Издавањето најчесто го прават меѓународни финансиски институции во име на позајмувачот.

Еврообрвзиниците се популарни поради нивната флексибилност – оној кој што ја купил не мора да чека да измине целиот договорен должнички период туку може да ја продаде и порано односно да тргува со неа за пари или други хартии од вредност на европските пазари на капитал.

Јавниот долг достигна 46% од БДП

Според последните податоци од Министерството за финансии кои се однесуваат на крајот на септември минатата година јавниот долг на Македонија изнесува 4.69 милијарди евра или 45.8% од бруто домашниот производ (БДП).

Државниот долг изнесува 3.87 милијарди евра или 37.8 отсто од БДП.

Во оваа сума не влегува најновата еврообврзница на сума од 500 милиони евра.

Во буџетот за оваа година е предвидено максимално задолжување на странскиот пазар во висина од 566 милиони евра. Владата ќе продолжи да се задолжува и на домашниот пазар. Максимално предвидените приливи од издавање на хартии од вредност два пати месечно до крајот на годината може да достигнат 288 милиони евра.

Годинава доспеваат обврски од вкупно 370 милиони евра, 200 милиони на домашниот и скоро 170 милиони евра на странскиот пазар, од кои 95 милиони за враќање сега во јануари.

К. Н.

КОМЕНТАРИ

НАЈНОВО ОД КАТЕГОРИЈАТА

  • Столтенберг: Нема план Б за влез во НАТО, само решение на името

    Столтенберг: Нема план Б за влез во НАТО, само решение на името

    Генералниот секретар на НАТО, Јенс Столтенберг, на заедничката прес-конференција со премиерот Зоран Заев рече дека ова е негова прва посета на земјава и дека имал…

  • ЕК: Уделот на лоши заеми во Европската унија се намалува

    ЕК: Уделот на лоши заеми во Европската унија се намалува

    Уделот на лоши заеми во банките на Европската унија се намалува, но останува висок. Ова беше објавено од страна на Европската комисија, кога подготвува мерки…

  • Укината забраната за тешки товарни возила на патот Лисец – Попова Шапка

    Укината забраната за тешки товарни возила на патот Лисец – Попова Шапка

    Забраната за сообраќај за тешки товарни возила на патниот правец с. Лисец – Попова Шапка е укината во 15 часот, информира АМСМ. Забраната беше воведена…

  • Кои централни банки ги даваат најточните предвидувања?

    Кои централни банки ги даваат најточните предвидувања?

    Нема централна банка во светот, која ќе даде апсолутно точни предвидувања, но кога станува збор за клучен индикатор, каков што е инфлацијата, Централната банка на…

  • Како до помали сметки за греење? Едноставни совети кои секој може да ги примени!

    Како до помали сметки за греење? Едноставни совети кои секој може да ги примени!

    Загубите во топлина во домот пред се зависат од: изолацијата на објектот, квалитетот на вратите и прозорците, процентот на застакленост, ориентацијата и местоположбата. Може да…

  • Столтенберг: Земјите членки се воодушевени од тоа колку Македонија е посветена да се приклучи кон НАТО

    Столтенберг: Земјите членки се воодушевени од тоа колку Македонија е посветена да се приклучи кон НАТО

    Генералниот секретар на НАТО, Јенс Столтенберг, пред пратениците и Владата искажа воодушевување од напредокот на Македонија по 27 април и упадот во Собранието. Тој кажа…

  • Поради наноси од снег забрана за камиони на патот Лисец – Попова Шапка

    Поради наноси од снег забрана за камиони на патот Лисец – Попова Шапка

    Сообраќајот на државните патишта се одвива по влажни коловози на повисоките места, со остатоци од кашест снег на коловозот по интервенција на дежурните екипи на…

  • За развој на зимскиот туризам Црна Гора ќе инвестира над 60 милиони евра

    За развој на зимскиот туризам Црна Гора ќе инвестира над 60 милиони евра

    До 2020 година Црна Гора ќе инвестира повеќе од 60 милиони евра за развој на зимскиот туризам во земјата, изјави црногорскиот премиер Душко Марковиќ, кој беше…

  • За верскиот празник Водици посебен режим на сообраќај во Скопје

    За верскиот празник Водици посебен режим на сообраќај во Скопје

    За време на одбележувањето на утрешниот верски празник Водици (19 јануари) сообраќајната полиција во Скопје ќе воведе посебен режим на сообраќај за одредени сообраќајници во…

  • Ирска: Ние даночен рај? Вие сте лицемери!

    Ирска: Ние даночен рај? Вие сте лицемери!

    Ирскиот премиер Лео Вараткар ги обвини членките на ЕУ за лицемерие кога станува збор за корпоративниот данок и ги отфрли како неточни тврдењата дека Ирска…