Компанијата „Samsung“ одлучи да не го чека „Consumer Electronics Show“ во јануари и неодамна претстави три нови лаптопи со подобри батерии.
Првиот е „Samsung Notebook 9 Pen“, кој воедно е и најинтересен. Станува збор за 13.3-инчен „2in1 notebook“ кој има интегриран „S Pen“, исто како и „Notebook 9 Pro“ претставен во мај.
„Samsung“ го подобри „Notebook 9 Pen“, кој сега ја има осмата генерација на процесорот „Intel Core i7“, 16 GB RAM, 512 GB SSD меморија и екрано со резолуција од 1.920×1.080 пиксели.
Исто како и „Yoga“ таблетот на „Lenovo“, „Samsung Notebook 9 Pen“ ќе може да се прилагодува на различни начини, со цел да се користи како таблет, за да се постави така и да биде погоден за цртање.
„Samsung“ додаде и „HDMI“ порт, еден „USB-C“ порт и стандарден „USB“ порт. Тука е и „microSD“ слотот, како и „Windows Hello“ камерата за логирање во „Windows 10“ за препознавње на лицето на корисникот.
Компанијата ги освежи и своите стандарни „Notebook 9“ модели со 13.3-инчни и 15-инчни екрани. Двата доаѓаат со осум јадрени „Core i7“ процесори, дo 16 GB RAM и до 1 TB SSD меморија. Моделот со 15-инчен екран ќе има изборна „Nvidia MX150“ графичка картичка, но и двата екрани имаат резолуција од 1.920×1.080 пиксели.
„Samsung“ двата модели ги опреми со два „USB 3.0“ порта, „HDMI“ порт, „microSD“ слот и „USB-C“ порт. Моделот од 15-инчни ќе поддржува „Thunderbolt 3“, a тука е и дополнителниот „USB 2.0“ порт на поголемиот модел.
Уредите ќе се напојувааат со „најголемите и најмоќни“ батери кои досега биле вградени во лаптоп. Станува збор за 75W „Hexacell“ батерија која поддржува брзо полнење.
Лаптопите ќе бидат изложени на „CES“ во јануари, по што ќе започне и продажбата, но засега не се познати цените на овие три уреди.
