Делегација на Царинската управа предводена од директорот Ѓоко Танасоски учествуваше во активностите на 131. седница на Советот за царинска соработка на Светската царинска организација, што се одржа на 14 и 15 декември во Брисел, Белгија.
На седницата беа предложени и договорени и областите на соработка и заедничко дејствување кои ќе бидат предмет на расправа на седниците на Советот кои ќе се одржат во 2018 година, а се дискутираше и за напредокот во повеќе области, меѓу кои, нетарифните бариери, е-трговијата, контрола на границите, поддршка на економската конкуретност, градење капацитети, спроведување на законите, SAFE Рамката на стандарди, олеснување на трговијата, сузбивање незаконски оптек на финансиски средства и други прашања поврзани со царинското работење.
На маргините на седницата на Советот, директорот на Царинската управа оствари средба со генералниот секретар на СЦО, Кунио Микурија, и неколку поединечни средби со директори на царински служби од Европa, со цел размена на мислења за актуелните предизвици во регионот и договарање билатерални активности.