28 март, 2024
ПочетнаАВТОБИЗHyundai и Kia планираат 38 еколошки модели

Hyundai и Kia планираат 38 еколошки модели

„Hyundai“ и другиот корејски бренд кој е негова сопственост – „Kia“, планираат да лансираат 38 електрични и хибридни модели во следните 8 години, првите 7 од нив ќе се појават во рамките на претстојните 60 месеци.

Повеќето од овие еколошки модели ќе се електрични, прецизираат од компанијата која сега го нуди „Hyundai Ioniq“ во три верзии, неколку хибриди и „ix35“ со горивни ќелии. „Kia“ продава електрична верзија на популарниот „Soul“. Во „Hyundai“ развиваат повеќе од 10 години електрични и хибридни технологии, а аналитичарите покажуваат дека главната предност при промоцијата на новите модели ќе е тоа дека станува збор за достапни автомобили, што ќе го обезбеди доаѓањето на овие технологии на поширокиот пазар, а главно станува збор за САД.

За првите девет месеци од годината „Hyundai“ оствари продажба на 186.000 еколошки автомобили – електрични и хибриди. Но насочувањето на палетата на „Hyundai“ кон еколошките модели може да се покаже како задоцнета. „Volkswagen“ пример планира да нуди електрична верзија на секој свој модел до 2030-та година. Од „GM“ пак објавија дека гигантот развива електрични варијанти на 20 од моделите кои треба да излезат на пазарот до 2020-та година. „Renault“, „BMW“ и „Daimler“ веќе се присутни сериозно на пазарот на електрични автомобили.

Во Јужна Кореја дел од аналитичарите сметаат дека шефовите на „Hyundai“ ќе го пропуштат моментот да го наметнат брендот како еден од пионерите за електрифицирање на автомобилите и според нив корејскиот гигант оди со „три години задоцнување“ спрема основните ривали.

НАЈНОВИ ВЕСТИ

ХОРОСКОП