Париз најверојатно ќе стане глобален пазар со најбрз раст на цените на недвижностите во 2018-та година, со оглед на зголемената активност од странски купувачи, особено од САД и Блискиот Исток, прогнозира консултантската компанија „Knight Frank“, цитирана од интернет изданието „PropertyWire.com“.
Градот има корист од подобрите економски изгледи за еврозоната и цените се очекува да пораснат за 9 отсто во следната година.
Сингапур и Женева се очекува да бидат пазарите за домување со најголемо подобрување во следната година со очекувани зголемувања на цените од 5% и 3%, соодветно.
Женева, која останува надвор од очите на странските купувачи, нуди сигурност, приватност и училишта, ставајќи го високо на листата на богати семејства кои сакаат да се преселат.
Експертите очекуваат пазарот за недвижнини во Дубаи да оствари умерен раст во следната година по послабите резултати од последниот пазарен циклус. Во извештајот на компанијата се наведува дека владините инвестиции во економијата и инфраструктурата пред „Expo2020“ помогнаа да се отворат нови работни места, што има позитивно влијание врз побарувачката.
Хонг Конг, кој е со континуирана побарувачка од Кина, најверојатно ќе биде азискиот пазар со најсилни зголемувања на цените во 2018-та година. Очекуваното зголемување во 2018-та година изнесува 7%.
Берлин исто така се вбројува меѓу најпосакуваните пазари, така што привлекува купувачи од САД, Велика Британија, Турција и Кина поради динамичниот и младинскиот профил на градот, силната економија и проширувањето на побарувачката од страна на станарите. Во исто време, само 15% од сопствениците на куќи во градот всушност живеат во нив.
За централен Лондон – до неодамна еден од најжешките пазари за недвижнини во светот, очекувањата се дека цените ќе се зголемат симболично за 0.5%. Се верува дека кумулативниот раст во текот на следните пет години ќе достигне нешто повеќе од 13%.
Ванкувер е единствениот светски пазар на недвижности, за кој експертите очекуваат намалување на цените во 2018-та година. Падот ќе достигне 2,5% поради воведувањето на данок на трансакции на странските купувачи и строгата контрола на извозот на капитал од Кина.
На сите пазари забележани од компанијата, од најактивните купувачи се очекува да бидат американците и кинезите, иако Пекинг ги заостри правилата за капитални трансфери во странство.
