25 април, 2024
ПочетнаКУЛТУРАИзложба „Скици 2017“ од кумановски автори во Кавадарци

Изложба „Скици 2017“ од кумановски автори во Кавадарци

Во вторник, 12 декември, со почеток од 19 часот во галеријата при Домот на културата „Иван Мазов – Климе“ Кавадарци ќе биде отворена изложбата „Скици 2017“ на која со свои дела ќе се претстават повеќе автори од Куманово.

За изложбата Роберт Цветковски, историчар на уметноста од Куманово, меѓу другото ќе напише:

„Своето седмо издание, биеналната изложба на цртеж ‘Скици 2017’ ќе го одбележи со отворањето на вратите за сите ликовни уметници (досега учествуваа само академските сликари). Идејата да му се даде масовност на проектот ќе донесе уште поголема разновидност во однос на идеите и решенијата коишто ќе бидат понудени од страна на учесниците имајќи го во вид фактот дека цртежот отсекогаш добивал посебен третман условен од влијанието на ликовно-техничката дисциплина во којашто уметникот се изразува. Оттука нè зачудува нагласената употреба на бои и колористички цртачки решенија од страна на академските сликари, бихромни композициски структури со нагласена употреба на линијата – карактеристика на академските графичари, како и сложени стилизирани асоцијативно-фигуративни сцени со нагласена нота на волуменот и фактурата на материјалот интерпретирани од страна на академските скулптори“.

Учесници на изложбата ќе бидат Дејан Арсовски  Бабата, Зоран Арсовски Бабата, Марија Величковска,  Бранко Величковски, Владимир Величковски,  Симона Јакимовска, Зоран Јакимовски, Стефан Јакимовски, Ана Јовановска, Далибор Крстевски, Борис Кукуњавски, Страхил Петровски, Вера Тодоровска, Трајко Тошевски i Марина Цветановска Мартиновска.
Настанот е во рамките на манифестацијата „Кавадаречка културна есен 2017“.

НАЈНОВИ ВЕСТИ

ХОРОСКОП