Канцеларијата за печалбари при Општина Гостивар ќе биде отворена в петок.
Оваа канцеларија ќе функционира во форма на шалтер, а работното време ќе трае од 8 до 20 часот.
„Оваа канцеларија се отвора со цел на нашите печалбари максимално да им се олеснат административните процедури во Општината, Полицијата или Судот. Оваа канцеларија ќе биде отворена до 15 јануари 2018 година, за повторно да се отвори во летниот период кога има прилив на печалбари“, велат од Општината.
Канцеларијата ќе биде сместена во Центарот за информирање при Општина Гостивар.