Германскиот туристички сектор очекува нова рекордна година по значителниот раст на бројот на странски туристи кои ја посетиле земјата, покажуваат објавените податоци на Федералната статистичка агенција „Destatis“.
Бројот на ноќевањата во Германија се зголемува со 1% до 42,1 милиони во октомври во однос на истиот месец од минатата година. Иако бројот на домашните туристи останува без промена во октомври, податоците покажуваат солиден 3 процентен раст на ноќевањата на странци во октомври.
Податоците од октомври упатуваат на уште една одлична година за германскиот туристички сектор, по седмиот последователен рекорд од минатата година.
Бројот на ноќевањата е зголемен за 3% во првите девет месеци од годинава во однос на истиот период во 2016-та година, прецизира статистичката служба.
