Велика Британија ќе и плати на Европската унија помеѓу 35 и 39 милијарди фунти за да ја напушти организацијата.
Ова го објави портпаролот на британската премиерка Тереза Меј, кратко по средбата со претседателот на Европската комисија, Жан-Клод Јункер.
Европската комисија непосредно по средбата соопшти дека преговорите за Брегзит може да се префрлат на идните трговски односи меѓу Лондон и Брисел, благодарение на постигнатиот “значителен напредок” во првата фаза од разговорите за условите за “развод”.
Европската комисија денеска му препорача на Европскиот совет да заклучи дека е постигнат доволен напредок во првата фаза од преговорите за Член 50 со Велика Британија.