„BMW“ наскоро сигурно ќе отпочне нова гама на електрични кросовери со ознаката „iX“. Главниот извршен директор Харалд Кругер призна дека компанијата ги задржала правата за ознаките на моделите од „iX1“ до „iX9“, како и од „i1“ до „i9“.
„BMW“ веќе го нуди „i3“ електричниот автомобил и „i8“ спортскиот хибрид. Постојат два други модели во процесот на комплетирање – „i5“ и „i9“. Сепак, паралелно, Баварците исто така работат на електрификација на сите други модели, а во 2020-та година „X3“ треба да се појави на пазарот само на струја, па така ќе ја добие ознаката „iX“.
Сепак, повеќето други „iX“ модели ќе имаат сопствен дизајн и архитектура, а не само верзиите на „X“-серијата. Идниот идентитет на „i9“, кој ќе биде лансиран во 2021-ва година, ќе има и кросовер „iX9“. Некои информации, исто така, сугерираат електричен кросовер „iX8“, кој нема да се базира на тековната „i8“, туку на новата „осмица“, која беше претставена како концепт претходно во оваа година.
Имињата на задржаните модели ја потврдуваат намерата на компанијата да објави уште поголеми „SUV“ возила. По „X7“ концептот, веројатно ќе стигнат до „X8“ и „X9“. Според „AN Europe“, „Х9“ главно ќе цели кон пазарите како што се САД, Кина, Русија и Блискиот Исток, каде што има зголемена побарувачка за „SUV“ модели.
Следната година „X“-серијата ќе се зголеми со стандардниот „X7“ – пет метарски „SUV“ со три реда седишта, и компактниот „X2“. Во моментов, една третина од продажбата на „BMW“ е од „X“-моделите, така што Баварците ги насочуваат своите напори во оваа насока. „Затоа ја нарекуваме 2018-та година, година на „X““, рече Харалд Кругер.
