Авиокомпаниите во светот ќе продолжат да го зголемуваат својот профит, а во наредната 2018-та се очекува нивната заедничка добивка да достигне речиси 40 милијарди долари.
Ова е предвидено од страна на Меѓународната асоцијација за воздушен транспорт (ИАТА), цитирана од „CNBC“.
Речиси половина од профитот ќе биде генерирана од компаниите со седиште во Северна Америка, посочуваат од организацијата која претставува над 80% од воздушниот сообраќај во светот.
Според извештајот на „ИАТА“, нето добивката на авиокомпаниите во наредната 2018-та година ќе достигне 38.4 милијарди долари, што ќе биде со 11% повеќе во однос на предвидениот финансиски резултат за оваа година.
Се очекува превозниците од регионот на Северна Америка да генерира профит од 16,4 милијарди долари во следната година, што ќе биде речиси половина од вкупниот профит на индустријата во светот.
Организацијата вели дека бројката за Северна Америка е мало повлекување во однос на дел од вкупната добивка.
„Авиокомпаниите во Северна Америка генерираат повеќе од половина од профитот на индустријата во последните 3 години, но повисоките трошоци го забавија развојот на овој тренд“, се вели во извештајот.
Податоците на „ИАТА“ покажуваат дека американските превозници најмногу страдаат од зголемувањето на цените на нафтата во споредба со нивните конкуренти од други делови на светот.
Други региони со висок удел на пазарот се азиско-пацифичкиот и Европа, за кои се очекува да генерираат профит во 2018-та година во износ соодветно на 9 милијарди долари и 11,5 милијарди долари.
Извештајот наведува дека европските авиокомпании се под влијание позитивно од економското заздравување во регионот и патничките авиони се полни од каде и да е на друго место во светот.
Во 2018-та година се предвидува и зголемување со 4.5% на годишна основа со вкупната тежина на товарите кои ќе бидат доставени по воздух, до вкупно 62.5 милиони тони.
Извршниот директор на „ИАТА“, Александар де Жуниак наведува дека прогнозите за 2018-та година се на „најсилното ниво од повеќе од една деценија“.
