Македонската филхармонија одбележува 73 години од своето основање. По тој повод утре во 20 часот ќе се одржи концерт на кој ќе бидат изведени композициите: Прелудиум за оркестар бр. 2 од македонскиот композитор Панде Шахов, Концертот за виолина и оркестар бр. 1 од Карл Голдмарк, на кој како солист ќе се претстави нашиот истакнат виолинист Љубиша Кировски, и симфониската поема „Американец во Париз“ од Џорџ Гершвин.
Со оркестарот ќе раководи маестро Борјан Цанев.