Автомобилската компанија „Volvo“, во сопственост на кинескиот „Geely“, потпиша договор за испорака на 24.000 самоуправувачки автомобили за „Uber“ во периодот до 2021 година.
Во соопштението на компанијата „Volvo“ се наведува дека на „Uber“ ќе му ги испорача возилата „SUV XC 90“ опремени со технологија за автономно возење, пренесува Ројтерс.
Вредноста на договорот изнесува 1,4 милијарди долари, велат пресметките на Фајненшл Тајмс.
„Uber“ и „Volvo“ минатата година се обврзаа дека ќе инвестираат 300 милиони доалри во развојот на автономното возење.
