Здрав адаптоген напиток кој ќе ви го заслади утрото и ќе ви го разубави денот…
Наместо кафе секое утро испијте здрав чоколаден напиток од адаптогени намирници и обезбедете му на телото природен баланс. Освен што обезбедува енергија за цел ден, адаптогеното чоколадо го брани телото од ризичното реагирање во стресните ситуации, го подобрува имунолошкиот систем и го снабдува организмот со моќни антиоксиданси.
Рецепт за превкусно адаптогено чоколадо
– 1 лажица какао
– 2/3 шолја билно млеко (ориз, соја, бадемово и сл)
– 1/3 шолја зовриена вода
– 1 лажица кокосово масло
– 1 лажица афион (мак) во прав
– 1/2 лажица прав од реиши печурка
– на врв на лажичка кардамон
– 1/2 лажица ванила во прав
– 1/2 лажица јаворов сируп
Подготовка:
Ставете ги во блендер сите суви состојки, кокосовото масло и зовриената вода, па матете додека да исчезнат грутките. Во смесата сипете загреано млеко и матете додека напитокот да стане пенлив, па додадете го јаворовиот сируп. Наместо јаворов сируп можете да употребите и мед, а во тој случај почекајте најпрвин напитокот да се олади.