Еве уникатна прилика за сите оние кои сонуваат за осамен живот на приватен остров…
Величествениот Shelter Island имот, гордо сместен на малиот остров на езерото Флатхед во Монтана кое е едно од најчистите во светот, е ставено на продажба по цена од неверојатни 22.750.000 долари.
Ако не прашувате, овој имот е вреден за секој долар, бидејќи претставува најголемиот приватен дом во Монтана. Со повеќе од 3.200 квадратни метри простор и приватно пристапно езеро, приватноста дефинитивно никогаш не изгледала подобро. Националниот парк Глациер е она што го имате на поглед од овој дом, кој содржи пет спални соби и осум бањи, како и грејни тремови и отворен простор за забава.
Во ентериерот, високите плафони, елегантниот камин и ТВ со дијагонала од 120 инчи кој е вграден во ексклузивни панели од махагони претставуваат само почеток на прекрасното искуство тука. Листата со погодности и особини на овој имот е прилично долга, но и многу импресивна.
Импресивниот имот има вински подрум, стрелиште, импресивна теретана со поглед на езеро, голем туш на отворено и парна бања. Трпезаријата, кујната и собата за појадок имаат префинети завршни детали, а опремени се со сите врвни апарати кои се потребни за уживање во совршен оброк.
Материјалите користени во изградбата на овој имот вклучуваат лукузен африкански махагони кој е рачно изработен, француски камен, италијански гипс, бакар и бронза, како и рачно изработено железо. Исто така, оваа вила има комерцијален лифт кој е за трите ката, додека куќата за гости има две спални соби, четири бањи, два камина и парна бања.
