Времето денеска ќе биде облачно со повремени врнежи од дожд кои ќе бидат пообилни попладне и во вечерните часови, особено во западните и јужните делови. Ќе дува слаб до умерен југоисточен ветер. Дневната температура ќе се движи од 8 до 14 степени.
Во Скопје времето ќе биде облачно со повремен дожд, особено поладне. Максималната температура ќе достигне 10 степени.
Следува период на променливо облачно време со повремени врнежи од дожд со променлив интензитет. Во недела и понеделник врнежите ќе бидат полокализирани и ќе дува умерен јужен ветер. Претпладне по котлините ќе има услови за појава на магла.
Пообилни врнежи повторно се очекуваат во вторник и среда, а од среда и опаѓање на температурата што ќе предизвика на планините и на некои повисоки места врнежите да поминуваат во снег.
