Widgetized Section

Go to Admin » Appearance » Widgets » and move Gabfire Widget: Social into that MastheadOverlay zone

ALK 7,750.00 -0.67%    BESK 10,071.76 -1.98%    CEVI 1,099.00 -3.93%    GRNT 809.72 -0.03%    KMB 3,356.57 -0.98%    MTUR 4,300.00 2.38%    RMDEN16 94.90 0%    RZLV 51.00 2%    STB 940.49 -0.04%    STBP 601.00 0.17%    STIL 138.00 -0.74%    TEL 295.44 -1.52%    TETE 2,299.47 0.56%    TKVS 3,100.00 -0.32%    TPLF 1,699.87 3.03%    TTK 953.00 0.63%    UNI 2,050.00 0%    

Обезбедени 5,4 милиони швајцарски франци за рамномерен регионален развој

Време: 16:08

Датум: ноември 10, 2017

Категорија: ЕКОНОМИЈА

Со потпишување на Меморандум во Владата на Република Македонија од страна на вицепремиерот за економски прашања, г. Кочо Анѓушев, министерот за локална самоуправа г. Сухејл Фазлиу и амбасадорката на Швајцарија во Република Македонија, Сибил Сутер Техада, отпочнува имплементацијата на нов проект за поттикнување на рамномерниот регионален развој во државата, во вредност од 5,4 милиони швајцарски франци.

Најголемиот дел од средствата, 3,6 милиони, ги обезбедува Владата на Швајцарија, а 1,74 милиони швајцарски франци Владата на Република Македонија.

Вицепремиерот за економски прашања Анѓушев истакна дека Меморандумот ја покажува посветеноста на Владата за поголема поддршка на рамномерниот регионален развој.

– Со спроведување на меморандумот за разбирање очекуваме пред се да постигнеме повисоко ниво на транспарентност и преглед на средства кои се распределуваат преку Владините програми за имплементација на проекти, а со тоа да добиеме и јасна слика колку средства во кој регион се вложуваат, што пак ќе придонесе кон идни чекори и планирањето на средства за рамномерен регионален развој – рече вицепремиерот Анѓушев.

Потпретседателот на Владата Анѓушев појасни дека меморандумот содржи три компоненти и појасни на како ќе се искористат средствата наменети за меморандумот.

Со имплементацијата на првата компонента, во вредност од 1.7 милиони швајцарски франци ќе се лоцираат и спроведуваат фондови за рамномерен регионален развој на транспарентен и предвидлив начин согласно степенот на развој на планските региони. Со тоа ќе се работи на унапредување на административната, законодавната и финансиската рамка во областа рамномерен регионален развој. Со оваа компонента ќе се воспостави систем за подобра координација, планирање, спроведување и мониторинг на средствата наменети за оваа област.

Со втората компонента во вредност од 600 илјади швајцарски франци ќе се опфатат активности кои ќе придонесат за тоа потребите и барањата на граѓаните, вклучително и на ранливите категории граѓани, систематски да бидат вклучени од страна на Регионалните совети во процесот на планирање на регионалниот развој.

Третата компонента во вредност од 2,7 милиони швајцарски франци директно ќе влијае на подобрување на работата на центрите за регионален развој во сите осум плански региони, особено во помалку рзвиените, за да ја подобрат својата ефикасност и ефективност. Преку оваа компонента ќе се поддржи креирање и спроведување на проекти од поголем обем и иновативни проекти.

Амбасадорката на Швајцарија, г-ѓа Сутер Техада истакна дека швајцарската Влада ја поддржува политиката на рамномерен регионален развој во Република Македонија од 2012 година и дека нема да застанат овде.

– Темелите се поставени, но ние не смееме да застанеме тука. Она што ни треба денес е политика која целосно го мобилизира потенцијалот на планските региони и го поттикнува нивниот развој. Денешните региони мора да размислуваат за тоа како да станат конкурентни играчи на глобалниот пазар, а најуспешни се оние кои успеале да ги интернационализираат нивните економии. Покрај натамошното зајакнување на капацитетите на институциите одговорни за регионалната политика, неопходно е алоцирање на буџетските средства според нивото на развој на планските региони. Потребна е поголема транспарентност, одговорност и учество на граѓаните во планирањето и спроведувањето на регионалниот развој – рече амбасадорката Сутер Техада.

КОМЕНТАРИ

НАЈНОВО ОД КАТЕГОРИЈАТА

  • Wall Street ја започнa сесијата со зголемувања

    Wall Street ја започнa сесијата со зголемувања

    Индексите на „Wall Street“ ја отворија денешната седница со зголемување благодарение најмногу на поддршката на технолошките компании и во очекување на извештајот од средбата на…

  • Жбогар: ЕУ ќе продолжи со финансирање на проекти во Македонија

    Жбогар: ЕУ ќе продолжи со финансирање на проекти во Македонија

    Местото на земјите од Западен Балкан е во Европската Унија, но тие треба да исполнат одредени услови кои се потребни за влез во Унијата. Поради…

  • ОПЕК објави побрзо намалување на заситеноста на нафтата

    ОПЕК објави побрзо намалување на заситеноста на нафтата

    Организацијата на земјите извознички на нафта (ОПЕК) и дел од земјите производители надвор од неа (познати заедно како група „ОПЕК +“) утврдиле дека презаситеност на…

  • Tрибина со лекари за употребата на канабисот во медицински цели во Македонија

    Tрибина со лекари за употребата на канабисот во медицински цели во Македонија

    Здружението за канабис и зелени политики „Билка“ организира втора научна трибина „Употреба на канабис во медицински цели во Република Македонија“.  Оваа трибина за разлика од првата,…

  • Општина Карпош ќе го „ослободува“ урбаното јадро од нови градби

    Општина Карпош ќе го „ослободува“ урбаното јадро од нови градби

    Општина Карпош ќе го „ослободува“ урбаното јадро од нови градби и истите планира да ги лоцира во периферните делови, како на пример Бардовци и Злокуќани,…

  • Индустрија за мебел: дивите мајстори најголем проблем

    Индустрија за мебел: дивите мајстори најголем проблем

    Едни плаќаат даноци и придонеси а други работат на диво и им ги земаат муштериите. Производителите на мебел се жалат на нелојална конкуренција. Дивите мајстори…

  • 30 отсто повисоки плати за шумските полицајци

    30 отсто повисоки плати за шумските полицајци

    За 30 отсто ќе се зголемат платите на шумските полицајци. Одлуката ќе се применува по првиот ребаланс на Буџетот за 2018 година, информираше денеска портпаролот…

  • „Екогерила“: Бројот на болни деца двојно намален по затворањето на „Југохром“

    „Екогерила“: Бројот на болни деца двојно намален по затворањето на „Југохром“

    Бројот на болни деца со распираторни болести во Полошкиот Регион двојно се намалил по затворањето на фабриката „Југохром“ минатата година. Ако во 2015 година бројот…

  • Финска се прашува каде да ги чува конфискуваните биткоини

    Финска се прашува каде да ги чува конфискуваните биткоини

    Властите во Финска се обидуваат да пронајдат начин за складирање на речиси 2.000 биткоини што земјата ги заплени. Поголем дел од средствата кои во моментов…

  • Од 1 јуни директна авиолинија Варшава – Скопје

    Од 1 јуни директна авиолинија Варшава – Скопје

    Скопје и Варшава од 1 јуни годинава ќе бидат поврзани со директна авионска линија, објавија денеска ТАВ Македонија и ЛОТ Полиш ерлајнс. Летови на оваа…