Пазарната капитализација на американскиот технолошки концерн „Microsoft“ за прв пат од 3-ти јануари 2000-та година, надмина 600 милијарди долари, објави „MarketWatch“.
Претходно, овој праг беше постигнат од страна на компанијата во „дотком бумот“ (економскиот балон на ревалоризирани акции на интернет компании), според податоците на „FactSet“. Враќањето на оваа проценка и неодамнешниот успех на компанијата се поврзани со развојот на облак-технологијата под раководство на Главниот извршен директор Сатја Надела.
Во петокот, акциите на Групата се зголемија за нешто помалку од 1% на резервната сесија, а редовните се затворени со раст од 0,4% до 77,91 долари по акција.
Компанијата со седиште во Редмонд забележа 25,4 отсто зголемување на цената на акциите од почетокот на оваа година, додека „S&P 500“ скокна за 14,4 отсто во истиот период. „Microsoft“ е трета по големина компанија според пазарната капитализација по „Alphabet Inc.“ и „Apple Inc.“, покажуваат податоци за „FactSet“.
Компанијата е основана во 1975-та година од страна на Бил Гејтс и Пол Ален. Од крајот на 1970-тите, работи на развој на оперативни системи за персонални компјутери. Еден од првите е „MS-DOS“, чие управување се извршуваше со помош на командна линија, се сеќава „TASS“.
